ఎంత దూరం నడచినా
వెచ్చని ఇల్లు దాపులో కనిపించదు.
దట్టమైన చీకటి తెర
దారిని మూసి వేస్తుంది
జోరుగా వీచే శీతగాలి
జుట్టుని చెదర గొడుతుంది
ఎంత దూరం నడచినా
నిప్పు సెగ జాడే కనిపించదు
చల్లని మంచు గాలి
ఛళ్ళని కొడుతుంది
కరకరమని మంచు పొడి
కాళ్ళ కింద కరిగిపోతుంది
ఎంత దూరం నడచినా
వెచ్చని భోజనం వాసనే సోకదు
చుట్టూ పరుచుకున్న మంచు గుట్ట
చచ్చేంత ఆకలి పుట్టిస్తుంది
ఒళ్ళు విరుచుకున్న మంచు పులి
ఒంటరి బాటసారిని ఆబగా వెంటాడుతుంది.
Wednesday, November 12, 2008
Subscribe to:
Post Comments (Atom)
No comments:
Post a Comment