పట్టుకో పట్టుకో
******************
తెల్ల ఈక ఒకటి
కొన్ని పిట్టలు
నేనూదే సబ్బు బుడగలు
ఆకాశం వైపుకి ఎగురుతూ ఉంటే
పట్టుకో పట్టుకో అని
ఎర్ర తోక గాలిపటం
గాజు రెక్కల తూనిగలు
వూదు కడ్డీ పొగల తీగెలు
ఆకాశం వైపుకి ఎగురుతూ ఉంటే
పట్టుకో పట్టుకో అని
ఆరేసిన పచ్చ చీర
నువ్వు రాసిన ఉల్లి పొర ఉత్తరం
నీలం రంగు పమిట నాది
ఆకాశం వైపుకి ఎగురుతూ ఉంటే
పట్టుకో పట్టుకో అని.
Wednesday, July 8, 2009
Sunday, December 21, 2008
Wednesday, November 12, 2008
పిల్లలు నిద్దరోతున్నారు
రివ్వని కొట్టే శీతాకాలపు చలిగాలులు
తలుపు తట్టకుండానే వెనక్కు మళ్ళుతాయి
ఘుమ్మని వాసన జల్లే మల్లె మొగ్గలు
కిటికీలోంచి మెల్లిగా తొంగి చూస్తాయి
ఘల్లని కదిలే పెరటి చెట్ల ఆకులు
చప్పుడు చేయవద్దని గుస గుసలాడుతాయి
రైయ్యని ఎగిరే గాలి పటాలు
ముందు గదిలో నిశ్శబ్దంగా వేచివుంటాయి.
తలుపు తట్టకుండానే వెనక్కు మళ్ళుతాయి
ఘుమ్మని వాసన జల్లే మల్లె మొగ్గలు
కిటికీలోంచి మెల్లిగా తొంగి చూస్తాయి
ఘల్లని కదిలే పెరటి చెట్ల ఆకులు
చప్పుడు చేయవద్దని గుస గుసలాడుతాయి
రైయ్యని ఎగిరే గాలి పటాలు
ముందు గదిలో నిశ్శబ్దంగా వేచివుంటాయి.
శీతాకాలపు రాత్రి
ఎంత దూరం నడచినా
వెచ్చని ఇల్లు దాపులో కనిపించదు.
దట్టమైన చీకటి తెర
దారిని మూసి వేస్తుంది
జోరుగా వీచే శీతగాలి
జుట్టుని చెదర గొడుతుంది
ఎంత దూరం నడచినా
నిప్పు సెగ జాడే కనిపించదు
చల్లని మంచు గాలి
ఛళ్ళని కొడుతుంది
కరకరమని మంచు పొడి
కాళ్ళ కింద కరిగిపోతుంది
ఎంత దూరం నడచినా
వెచ్చని భోజనం వాసనే సోకదు
చుట్టూ పరుచుకున్న మంచు గుట్ట
చచ్చేంత ఆకలి పుట్టిస్తుంది
ఒళ్ళు విరుచుకున్న మంచు పులి
ఒంటరి బాటసారిని ఆబగా వెంటాడుతుంది.
వెచ్చని ఇల్లు దాపులో కనిపించదు.
దట్టమైన చీకటి తెర
దారిని మూసి వేస్తుంది
జోరుగా వీచే శీతగాలి
జుట్టుని చెదర గొడుతుంది
ఎంత దూరం నడచినా
నిప్పు సెగ జాడే కనిపించదు
చల్లని మంచు గాలి
ఛళ్ళని కొడుతుంది
కరకరమని మంచు పొడి
కాళ్ళ కింద కరిగిపోతుంది
ఎంత దూరం నడచినా
వెచ్చని భోజనం వాసనే సోకదు
చుట్టూ పరుచుకున్న మంచు గుట్ట
చచ్చేంత ఆకలి పుట్టిస్తుంది
ఒళ్ళు విరుచుకున్న మంచు పులి
ఒంటరి బాటసారిని ఆబగా వెంటాడుతుంది.
Tuesday, October 21, 2008
Monday, October 20, 2008
క్లేశం
సన్న ఇసుక పైకిలేచి
సుళ్ళు తిరిగి ఎగురుతుంది
ఆకాశం ఉన్నట్టుండి
అనేక రంగులు మారుస్తుంది
జోరుగాలి బలంగా
ఝాడించి ముందుకు నెడుతుంది
కాళ్ళ కింద ఇసుక
కదిలి జారిపోతుంది
చెవుల నిండా ధూళి
చేరి నిండుకుపోతుంది
ఏదో ఒక ఇసుక రేణువు
ఎగిరి కళ్ళల్లో దూరుతుంది
ఆ గొడవలో,దుమ్ము కింద కప్పడి
ఆత్మ కనిపించకుండా పోతుంది.
సుళ్ళు తిరిగి ఎగురుతుంది
ఆకాశం ఉన్నట్టుండి
అనేక రంగులు మారుస్తుంది
జోరుగాలి బలంగా
ఝాడించి ముందుకు నెడుతుంది
కాళ్ళ కింద ఇసుక
కదిలి జారిపోతుంది
చెవుల నిండా ధూళి
చేరి నిండుకుపోతుంది
ఏదో ఒక ఇసుక రేణువు
ఎగిరి కళ్ళల్లో దూరుతుంది
ఆ గొడవలో,దుమ్ము కింద కప్పడి
ఆత్మ కనిపించకుండా పోతుంది.
తారామతి బిరాదరి
పేరు తెలియని చెట్టు ఒకటి
వానకు తడుస్తూ నిలబడిఉంది
దూరాన,ఎన్నడో మరణించిన
నాన్న గొంతు వినబడుతోంది
ఆదరా బాదరా ఓ యువతి
బిరాదరిలోకి పరిగెడుతోంది
ఎక్కడినించో తారామతి పాట
రెక్కలార్చుతూ వరండాలో వాలుతోంది
మబ్బు కొప్పులోంచి నీళ్ళ దండ
జారి చెట్ల కొమ్మల్లో చిక్కుకుంటోంది
గత రాత్రంతా నిద్రించని ఈ దేహాన్ని
అన్ని వైపులా నుండి ఏవో అదృశ్య హస్తాలు
ఊపేస్తున్నట్టుగా అనిపిస్తోంది.
Subscribe to:
Posts (Atom)